Məşhur cins markası birjaya qayıdır

Məşhur cins markası birjaya qayıdır
166 il əvvəl qurulan dünyanın ən qədim cins (jeans) markalarından biri olan "Levi's" yenidən birjada səhmlərini investorlara satacaq. Şirkətin səhmlərin kütləvi satışı ilə təxminən 550 milyon dollar toplaması gözlənilir. "Levi's" əldə edəcəyi vəsaiti strateji investisiyalar və müəssisə kapitalı üçün istifadə etməyi planlaşdırır. 

Məşhur cins markası "Levi's" 36.7 milyon səhmini birjada satmağı planlaşdırır. "Levi's"in 1 səhminin qiymətinin 14 - 16 dollar təşkil edəcəyi bildirilir. 

AMVPRESS.AZ xəbər verir ki, "Goldman Sachs" və "JP Morgan"ın rəhbərliyi altında 12 bankın vasitəçilik edəcəyi əməliyyat sayəsində "Levi's" şirkətinin 550 - 600 milyon dollar gəlir əldə edəcəyi proqnozlaşdırılır.

Şirkətin səhmləri Nyu-York birjasında LEVI adı ilə ticarət olunacaq.

"Levi's" bundan 166 il əvvəl qurulmuşdur. Kaliforniyada yerləşən "Levi's" daha əvvəl də 1971 - 1985-ci illər arasında bir müddət birjaya listinq olmuş, ancaq 34 il əvvəl səhmlərini geri toplayaraq özəl şirkət statusuna keçmiş və birjadan çıxmışdı.

2009 böhranı ilə borcu artan "Levi's", 2011-ci ildə vəzifəyə gələn İcraçı direktor Chip Bergh sayəsində yenidən inkişaf etmişdir. "Levi's",  silahlı qarşıdurmaların qarşısını almaq, iqlim dəyişikliyi, seçkidə iştirak faizini yüksəltmək kimi sahələrdə əhəmiyyətli sosial məsuliyyət layihələri ilə marka imicini möhkəmləndirib.

Dünya miqyasında 16 min civarında işçisi olan "Levi's", keçən il 5.57 milyard dollar gəlir əldə edib.
 

AMVPRESS.AZ



Xəbər lenti